SCHADDAT - CSATAT - LENAUHEIM
Es soll mol vor Jahre ufm Gebiet vun Schaddat a Schlacht stattgfun ham. Die Ungare ham gejer die Tirke gekämpft un ham noch ooner langi Schlacht die Tirke aach vertrieb. Zur Erinnerung an die schweri Schlacht un an den Sieg ham die Ungare dem Darf de Nome geb „Csata", weil uf Ungarisch bedeit „csata" soviel wie Kampf. Des Wort is awer vun die Deitschi rumgeänert un umgemodelt wäre, bis es uf „Schattad" oder „Schaddat" kumm is. Jetz is des Darf unerm Name Lenauheim bekannt, weil do de Dichter gebor is.
(Erzählt von Viktor Neurohr aus Grabatz, aufgezeichnet von Diethard Dietrich)
Quelle: Banater Volksgut, Erster Band, Märchen, Sagen und Schwänke, Herausgegeben von Walther Konschitzky und Hugo Hausl, Bukarest 1979, Seite 110