ÜBER DIE ENTSTEHUNG VON WOLFSBERG
Vor 150 Jahr sein niehreri Familie vun Bayern un vum Behmerwald ausgwanert un sein gegers Banat kumm. Es ist mituner Herbscht wäre, un sie ham noch immer ka sichres Siedlungsplatz gfun ghat. No hat ooner vun de ältri Männer gsagt: „Leit, do misse mir halt mache. Do is e gutes hoches Platz, un umedum sein Täler, so daß mir e bißl Hutwad fars Viech un aach Ackerland ham. Un umedum sein Tannewälder, so daß mir uns aa e Uner-kunft baue kenne." Un so war's. Sie ham sich klooni Häiser aus Holz gebaut un a paar Stall fars Viech. Wie awer der Winder kumm is, war's doch schlimmer, wie se sich's vargstellt ham. Ganzi Nacht lang ham se misse Feier mache, weil ganz! Rudle Weif kumm sein. E paar Familie ham die Kurasch verlar un sein im Mitte Winder nuner geger Franzdorf un Reschitza gezoo. Etlichi Familie sein awer doch owe geblieb un ham gsagt: „Mir bleiwe do, un wann uns aa die Weif fresse!"
Der Winder is awer glicklich rumgang, trotzdem er so bitter kalt war un derbei noch die viel! Weif wäre. Weil se net vun die Weif gfreß sein wäre, so ham se ihre Siedlung de Nome Wolfsberg geb. Des hat mir de Vetter Heigl Peter, 68 Jahr alt, aus Wolfsberg verzählt, wie ich im Summer dart uf Erholung war in die Banater Berche.
(Aufgezeichnet in Grabatz von Bertwin Strubert)
Quelle: Banater Volksgut, Erster Band, Märchen, Sagen und Schwänke, Herausgegeben von Walther Konschitzky und Hugo Hausl, Bukarest 1979, Seite 112