SAGEN.at >> Traditionelle Sagen >> Österreich >> Niederösterreich >> Mostviertel

D' SEEJUNGFERN

Vor Zeitn solls Seejungfern gmua gebn hom und ma hot donn und wonn von eah ghert. Mit eahnan Schloargwond sand's in da volln Manatnocht aus'n Erlafsee außagstiegn und hobn auf da Wiesn nebnon an wundaschen Gsong und Tonz onghebt. So is s ma holt vazählt worn.

Owa seit d'Himmlmuatta so stork in Zell drein zan gspüan wor, hot die Seejungfern niamols mehr wer gsegn.

Quelle: Sagen, Märchen und Legenden - in der Mundart des niederösterreichischen Viertels ober dem Wienerwald,
aufgeschrieben von Eduard Ignaz Freunthaller, (1849 - 1921).
Privatdruck von Heimo Freunthaller, 1990