DO IS PLATZ
Wie uf dr Haad die Schwoweleit ihre Kaiser schun längscht gstampt un gedeckt han ghat, so in 1818, sin bei uns erseht Siedler vun Neibach, Sacklhaas, Schuple, vun Partan, Gomlosch un Setschan ankumm un han sich aa Häiser gstampt, sich Holz ausm Wald ghol un han angfangt tief! Furche ziehe.
No em Johr han se sogar ihre Flure schun getaaft ghat: Do war die Sandflur, die Pipatsche-Hiwl, die Voderscht un Hinerscht Wies, die Saliterei un die Hutwedsfelder. A Zippl Wald, der wu ganz weit vum Dorf weg war, mr kann saan schun bal, wu die Fichs guti Nacht saan, hat mr glei Fuchsewald gheeßt, un so heeßt'r heint noch. Sogar a Bierebaam-Tafl hat's gin, Bohnefelder, Wein- un Kleegärter, Wald- und Großbare hat's gin, alles war gnau ingetaalt, nor mr war noch net eenich mitm Dorfname.
Is mol e Bauer uf de Tschakoware Mark gfahr un gfrot gin, vun wu er is, no hat'r trucke gsaat: „Dort vun im Tal." Die Hopsenitzer Serwe han „Dolie" gsaat; un so hätt's vielleicht noch lang gedauert, bis unser Dorf e Name kriet hätt, wann net bei em stirmische Reentaa wieder schwowischi Ansiedler mit ihrem Zack un Pack vun Schulpe gejer Kleenomor de Wech vlor hätte un in den! schlecht! Wecher steche geblieb wäre. Die Baure vun unsrem Dorf han in seier Zeit in dr Waldbare a bißl nogholf, daß es Wasser besser ablaafe kann, un han zu Mittach geß. Do gsieht de Richter die viel! Wäjer iwrem Wasser, ruft halt niwer, wu se herkumme un wu se hin wille. Die vun driwe han halt aach gruft un gred, ja awer mit dem Wind hat mer nix verstan, er hat alli Werter verschlaa, riwer un niwer getraa, so daß se sich net verstehn han kenne. Do ment de Richter un ruft iwers Wasser: „Kummt nor, do is Platz for alli!" Die vun driwe han gschnappt un gruft: „Dolatz?" Wahrscheinlich han se wisse wille, wie die Gemeindi heeßt, un weil mr net gut verstan hat, han se gement, des Dorf heeßt Dolatz. Seit domols is es awer aach bei dem Name geblieb. So verzählt mer bei uns im Dorf.
(Erzählt von Thomas Kervel aus Dolatz, aufgezeichnet von Hans Niedermayer)
Quelle: Banater Volksgut, Erster Band, Märchen, Sagen und Schwänke, Herausgegeben von Walther Konschitzky und Hugo Hausl, Bukarest 1979, Seite 113