SAGE VON TRIEBSWETTER UND GOTTLOB
Wie die Schwowe ins Banat kumm sein un geger des Gebiet kumm sein, wu heit Triebswetter liegt, hat sich der Himmel ufmol trieb gmacht, un die Leit ham gsagt: „Is des e triewes Wetter do!" So hat die Ortschaft de Nome „Triebswetter" kriegt.
Jetz hat's oogfangt zu regne. Es hat grengt un grengt, daß die Schwowe — so sagt mr iwer die Rejetroppe — getanzt ham, so hat des gschitt! Die Leit wäre durich un durich naß. Inzwische wäre se schun bis darthie kumm, wu heit Gottlob liegt. Ufmol hat des Rejewetter ufghert, un die Leit ham gsagt: „Gott Lob, der Reje hat ufghert!" Un so hat des Darf den Nome „Gottlob" kriegt.
(Erzählt von Barbara Haag aus Grabatz, aufgezeichnet von Hans Klein)
Quelle: Banater Volksgut, Erster Band, Märchen, Sagen und Schwänke, Herausgegeben von Walther Konschitzky und Hugo Hausl, Bukarest 1979, Seite 110